比利時隊

馬天尼斯 (Roberto Martínez) 49歲

球員時代司職防守中場，1991年喺薩拉戈薩出道，1994年曾一度加盟較低組別聯賽球隊CF Balaguer，第二年1995年轉投英乙球隊韋根效力咗6年。2001年轉戰蘇超加盟馬瑟韋爾，2002年又重返英格蘭效力華素爾，2003年效力史雲斯3個球季，2006年轉投車士打城後次年宣佈掛靴。2007年展開領隊生涯執教史雲斯兩季，期間帶領球隊登上英冠。2009年執教韋根幫助球隊連續3季成功護級後，第四季2013年雖然贏得球會首個足總盃冠軍，但最終降班收場。同年轉投愛華頓，2016年被辭退後，執教比利時國家隊至今。馬天尼斯協助比利時取得2018年世盃季軍，為國家隊歷年最佳成績，更加由2018年至2021年喺國際足協排名第一。