哥斯達黎加隊

路爾斯蘇亞雷斯 (Luis Fernando Suárez) 62歲

球員時代司職後衛，只曾效力國民體育會同拉科魯尼佩雷拉兩間哥倫比亞球會，於1995年掛靴。1999年展開其多采多姿嘅教練生涯，曾執教6個拉丁美洲球隊，當中包括哥倫比亞、厄瓜多爾、秘魯、洪都拉斯、墨西哥同哥斯達黎加。曾於2006年帶領厄瓜多爾國家隊打入世盃十六強，只以1球負英格蘭出局，但分組賽先後擊敗波蘭同哥斯達黎加，表現出色。2021年6月正式成為哥斯達黎加主教練，總算喺附加賽擊敗新西蘭，連續第3屆打入決賽周。佢將會帶領球隊要喺呢個死亡之組搶分晉級十六強。