克羅埃西亞隊

戴歷 (Zlatko Dalić) 55歲

球員時代司職防守中場，主要效力克羅地亞國內聯賽，於2000年掛靴。2004年展開教練生涯，亦都係主要執教克羅地亞國內聯賽球隊，2013年轉戰沙地阿拉伯聯賽，2014年帶阿聯酋球隊艾恩，2017年稱需要更多休息時間而辭職。2017年10月走馬上任成為克羅地亞國家隊主教練至今。成功帶領球隊打入2018年世盃，唔單止自1998年世盃以來首次殺入淘汰賽，更加一路晉級至決賽，最後以2比4不敵法國得亞軍。2020年歐洲國家盃亦成功躋身十六強，可惜加時以3比5輸咗俾西班牙。戴歷呢幾年總算能夠喺多位老將退役之下幫助球隊拎到好成績，絕對有功勞。今屆賽事再次要以老帶新嘅情況下希望可以拎到更加好成績。