日本隊

森保一 (Hajime Moriyasu ) 54歲

球員時代司職中場，14年效力廣島三箭期間上陣超過250次以上攻入超過30球，曾一度外借京都不死鳥，最後2003年喺仙台維加泰掛靴。曾35次代表國家隊上陣，攻入1球。2004年展開教練生涯執教廣島三箭，2006年帶日本青年軍參戰亞青盃同2007年世青盃。2007-09年再次擔任廣島監督，之後曾短時間執教新潟天鵝。2012年再重返廣島成為監督，連續兩年取得日職冠軍，直至2017年離隊。2017年成為日本奧運代表隊監督，2018年俄羅斯世盃擔當大國腳監督西野朗助教，並一同帶領球隊晉級十六強。之後走馬上任成為主教練，帶領日本隊打入2019年亞洲盃決賽但最終不敵卡塔爾只能取得亞軍。森保一將要協助球隊喺呢個死亡之組突圍而出，就要睇以下幾位主力球員表現啦。