塞內加爾隊

艾里奧施斯 (Aliou Cissé) 46歲

球員時代司職防守中場位置，曾效力包括里爾、巴黎聖日耳門、蒙比利埃、伯明翰及樸茲茅夫等多間球會。曾以隊長身份帶領塞內加爾國家隊打入2002年日韓世盃八強及非洲盃決賽，同時亦係第一個國家隊教練，成功帶領球隊喺2022年取得歷來首個非洲國家盃冠軍。教練生涯由2013年開始執教國家隊奧運隊，及後喺2015年正式成為大國腳主教練。可惜上屆俄羅斯世盃分組賽雖然同日本同分，但係最終因為公平競爭條例，由於球隊有多兩位球員領黃牌而未能晉級，今屆卡塔爾世盃艾里奧施斯誓要帶領球隊躋身十六強淘汰賽。