英格蘭隊

修夫基 (Gareth Southgate) 52歲

球員時代司職中堅位置，1988年喺水晶宮出道並效力至1995年，之後轉會到阿士東維拉至2001年，最後效力嘅球會係米杜士堡，喺2006年掛靴。國家隊方面曾經拎過57頂Cap帽，入過兩球。 及後踢而優則教，退休後立即成為米杜士堡領隊至2009年，可惜球隊喺2009年由英超降到落英冠後開季表現不濟後被炒。佢之後喺2013年開始執教英格蘭U21隊，喺2016年接替艾拿戴斯暫時升任大國腳教練，同年11月獲英格蘭足總簽約成為正式教練。 修夫基將會帶隊征戰第3個主要大賽，6年以嚟佢亦成功帶領國家隊取得相當好嘅成績。2018年世盃取得成功後，喺上年嘅歐洲國家盃表現更上一層樓，只可惜決賽以互射十二碼飲恨不敵意大利。今屆世盃目標只有一個，就係自1966年以嚟再次高舉冠軍寶座。絕對唔可以輸俾女子隊，事關佢哋喺今年夏天已經拎到女子歐國盃冠軍。