卡塔爾知多啲

卡塔爾係一個人口有290萬嘅國家，而且得益於佢哋嘅石油同天然氣出口，亦係世界上最富有嘅國家之一。

為了舉辦今屆賽事，卡塔爾特登建造了七座新球場，甚至為最後嘅決賽而專門建造咗一整座城市。當中包括超過100間新酒店，一條新地鐵線，同埋一系列新公路。

賽事組委會預計，將會有大約150萬球迷會嚟到卡塔爾觀看決賽周賽事。

卡塔爾係一個保守嘅穆斯林國家，球迷將要謹慎言行。當地對酒精飲品亦都有嚴格嘅限制，酒精飲品只能夠喺豪華酒店嘅酒吧裏出售。據報導一杯生啤嘅售價高達 $13美金。不過主辦方表示，賽事期間喺特別劃定嘅球迷區域，亦都可能有酒精飲品出售。

氣候

假如賽事按照歷屆慣例，喺6、7月進行嘅話，比賽進行期間嘅氣溫將會超過40°C，甚至有可能達到50°C。所以今屆世界盃決定於11月21日至12月18日進行。喺呢兩個月，卡塔爾嘅氣溫通常會達到25度左右。

卡塔爾一開始曾提出決賽如常喺夏天舉行，但係所有比賽會喺有冷氣系統嘅封閉場館入面進行，但係呢個計劃最終被否決。

國際足協世界盃獎盃

現時國際足協世界盃，又被稱為「大力神盃」，屬於第二代獎盃，呢個獎盃於1974年世界盃開始使用。

由巴西永久保存1930年至1970年使用嘅雷米金盃後，國際足協公開招標設計新嘅獎盃。結果由意大利設計師西爾維奧·加扎尼加嘅獎盃設計被選出。大力神盃嘅高度為36.8厘米，重6.1公斤。獎盃由18K金鑄成，基座嘅直徑為13.1厘米，由兩層綠色孔雀石製成，而造型則為兩個大力士雙手高舉地球。西爾維奧·加扎尼加形容獎盃「線條從底部開始以螺線型升起，展開以接收全個地球。簡潔設計嘅獎盃有着非凡嘅張力同活力，可見兩位運動員勝利一刻嘅情景。」

大力神盃嘅底部刻有「國際足協世界盃」（FIFA World Cup）嘅字樣。喺1994年世界盃後，獎盃嘅基座底部加裝咗一塊板，喺獎盃直立時會睇唔到，用嚟刻上贏到世界盃嘅年份同國家。奪冠年份以數字刻喺板上面，而國家名字則以其官方語言刻上。例如「1974 Deutschland」同「1994 Brasil」顯示出德國同巴西分別於1974年同1994年贏得世界盃。但係喺2010年，奪冠嘅西班牙刻喺板上嘅國家名字則以英文「2010 Spain」雕刻，並非以西班牙文雕刻。直至2014年，板上已經刻咗10屆奪冠嘅國家，國際足協重新換上另一塊全新嘅板，並以螺旋型嘅方法雕刻，以容納將來世界盃冠軍嘅國家，令呢個獎盃唔會輕易喺2030年或者2038年因為填滿而退役。西班牙嘅國家名字亦改以西班牙文「2010 España」雕刻。

國際足協嘅聲明明確指出，大力神盃屬國際足協永久擁有，任何奪冠國家隊都唔可以永久保存，奪冠國家隊其後只會收到一個銅製鍍金嘅仿製品，而不是金製獎盃。

世界盃比賽用球
AL RIHLA足球

國際足協於2022年3月30日首次公佈2022年世界盃嘅比賽用足球。名字為"AL RIHLA"，原文為阿拉伯文，中文翻譯為「旅途」，adidas今次再次提升咗足球喺空中嘅球速，皮球採用20塊紋理合成皮革組成，提高準確性同穩定性，世界盃有史以嚟空中飛行速度最快。

靈感源自阿拉伯帆船嘅 Speedshell 裁幅形狀，結合富質感嘅鑽石形壓花，全面提升盤扭表現，同時確保極致精準。鮮明圖案喺珠光塗層之下閃閃發亮。

- 材質詳情
- 70% 聚氨酯、20% 環保聚酯纖維、10% 粘膠球面
- 橡膠球膽
- 熱粘合無縫結構