墨西哥隊

謝拉度馬天奴 (Gerardo Martino ) 59歲

球員時代司職進攻中場，主要效力阿根廷球會紐維爾舊生隊，被球迷喻為球會歷來最佳球員，於1996年掛靴。及後曾經執教多間球會，當中包括喺2007-2011年成為巴拉圭國家隊教練，之後返到母會執教紐維爾舊生隊一季，2013-14球季成為巴塞隆拿教練，之後兩年成為阿根廷國家隊主教練，2016-18球季轉教美職聯阿特蘭大聯，2019年正式上任成為墨西哥國家隊主教練至今。 睇嚟馬天奴誓要帶領墨西哥打入8強，事關球隊已經連續7屆世盃16強止步。加上外圍賽表現麻麻，更加俾加拿大壓過取得首名出線資格，而國內傳媒亦都批評呢位阿根廷教練帶隊成績，所以佢誓要一吐烏氣，帶領球隊取得好成績。